2 A-bûn lâi「一霎仔久」tō tńg--khì--ah.

三、短文對譯：以下是對凃至彧〈一月——寫予佇台語路懸頂的家己〉這篇文章改寫的。請你翻譯下面這篇文章。(20 分)（一）請你共以下的漢字翻譯做臺羅。寒凊的天氣籠罩土地，四界的動物猶原咧睏，塗裡的種子嘛猶未暴穎。逐工覕佇厝內，想欲欣賞無仝景緻的我，疊像棉襀被彼款的衫出門。「四序溫暖的天氣欲去佗位揣？應該是去上倚日頭的山頂。」予天氣冷甲槌槌----我是按呢想。著急欲曝著日頭，一點仔攏無躊躇就上山矣。寒冷的東北風拍蹛我的身軀，山煞愈懸愈冷，風是愈懸愈透。遐爾仔拚勢，四界走揣的我忝矣，倒佇咧倒去的樹身頂。寒凍的冷風貫入我的衫，揻入我的骨。我較睏嘛睏袂去，所致就坐佇石頭頂懸，看四箍圍仔的烏，看甲出神。